رمضان المبارک: امارات میں سینکڑوں قیدیوں کے لیے خوشخبری

ابو ظہبی: متحدہ عرب امارات میں رمضان المبارک کے آغاز سے قبل 1 ہزار سے زائد قیدیوں کی رہائی کا حکم جاری کیا گیا ہے۔

اردو نیوز کے مطابق متحدہ عرب امارات کے صدر شیخ محمد بن زاید آل نہیان نے رمضان کی آمد پر 1 ہزار 25 قیدیوں کی رہائی کا حکم جاری کیا ہے۔

اماراتی صدر نے رہائی کا حکم رواداری اور عفو درگزر کی قدروں کے فروغ، جیل خانوں اوراصلاح خانوں میں قید و بند کی زندگی گزارنے والوں کو اپنے اندر بہتر تبدیلی لانے کے بہتر مواقع فراہم کرنے کی خاطر کیا ہے۔

امارات کی ریاست الفجیرہ کے حاکم شیخ حمد بن محمد الشرقی نے 151 قیدیوں کی رہائی کا حکم دیا ہے۔

Comments