تازہ ترین

متحدہ عرب امارات میں برف باری، نوجوان نے ’اسنومین‘ بنا ڈالا

دبئی: متحدہ عرب امارات میں برف باری سے لطف اندوز ہوتے ہوئے نوجوان نے ’اسنو مین‘ بنا ڈالا جس کی تصویر سوشل میڈیا پر وائرل ہوگئی۔

خلیج ٹائمز کی رپورٹ کے مطابق گزشتہ روز متحدہ عرب امارات کے مختلف علاقوں میں برف باری ہوئی جس سے لطف اندوز ہوتے ہوئے ام القوین کے رہائشی نوجوان نے اسنو مین کی تصویر بنا دی جس کی تصویر سوشل میڈیا پر وائرل ہوگئی۔

ام القوین کے رہائشی نے اسنومین بنایا جس کے سر پر ’عرب ہیڈ اسکارف اور چہرے پر گلاسز بھی نمایاں دیکھے جاسکتے ہیں۔

برف باری سے متحدہ عرب امارات کی شاہراہیں کسی وندر لینڈ کا منظر پیش کررہی ہیں جبکہ سڑک پر گاڑیاں بھی محتاط انداز میں منزل کی جانب گامزن ہیں۔

متحدہ عرب امارات کی ریاستوں فجیرا التیوان اور دیبا میں بھی موسلا دھار بارش ریکارڈ کی گئی۔

ٹریفک پولیس کی جانب سے شہریوں کو برف باری کے موقع پر احتیاط برتنے کی ہدایت کی گئی ہے جس میں کہا گیا ہے کہ پھسلن والی سڑکوں پر رہائشی گاڑیوں کی اسپیڈ کم رکھیں اور غیر ضروری سفر سے گریز کریں۔

نیشنل سینٹر آف میٹرولوجی (این سی ایم) کے ترجمان نے تصدیق کی کہ موسلا دھار بارش اور برف باری ملک کی مختلف ریاستوں میں ریکارڈ کی گئی ہے جبکہ مختلف علاقوں میں ریت کا طوفان بھی آیا ہے۔

Comments

- Advertisement -