کراچی: شہر قائد میں ٹیکسی سروس فراہم کرنے والی معروف کمپنی اوبر نے رکشا سروس کا بھی آغاز کردیا ہے، صارفین کو متاثر کرنے کےلیے پہلی 5 سواریاں مفت فراہم کی جائیں گی۔
تفصیلات کے مطابق ملک کے مختلف علاقوں میں لوگوں کے لیے ٹرانسپورٹ سروس فراہم کرنے والی کمپنی اوبر نے لاہور کے بعد کراچی میں بھی رکشا سروس کا آغاز کردیا۔ یہ رکشا سروس جدید ٹیکنالوجی سے آراستہ ہے۔
شہر کراچی میں کامیاب ٹرانسپورٹ سروس فراہم کرنے والی غیر ملکی کمپنی اوبر نے لاہور کے بعد کراچی میں بھی رکشہ سروس شروع کرنے کا اعلان کیا، اوبر نے اپنے ٹوئٹر اکاونٹ پر رواں ہفتے کراچی میں مفت رکشہ سروس دینے کا اعلان کیا تھا۔
We’re celebrating the arrival of uberAUTO in Karachi with free rides all week. Details: https://t.co/zw6gN2MwgR
— Uber Pakistan (@Uber_PKR) November 24, 2016
اوبر رکشا سروس حاصل کرنے کے لیے صارفین کا اسمارٹ فون استعمال کرنا ضروری ہے تاہم سروس کو مشہور کرنے اور لوگوں کی توجہ حاصل کرنے کے لیے کمپنی کی جانب سے ایک کوڈ دیا گیا ہے جس کے استعمال سے یہ سروس مخصوص وقت میں 5 بار استعمال کی جاسکتی ہے۔
جدید ترین ٹیکنالوجی سے آراستہ اوبر رکشا کو آپ کراچی کے کسی بھی علاقے میں ایپ پر درخواست بھیج کر بلا سکتے ہیں، اور اوبر رکشا آپ کو کراچی کے ایک سے دوسرے کونے تک پہچائے گا۔
سروس استعمال کرنے کا طریقہ کار کمپنی کی ویب سائٹ پر موجود ہے۔
