کراچی میں جدید ترین مفت رکشہ سروس
The news is by your side.

Advertisement

کراچی میں جدید ترین مفت رکشا سروس

کراچی: شہر قائد میں ٹیکسی سروس فراہم کرنے والی معروف کمپنی اوبر نے رکشا سروس کا بھی آغاز کردیا ہے، صارفین کو متاثر کرنے کےلیے پہلی 5 سواریاں مفت فراہم کی جائیں گی۔

تفصیلات کے مطابق ملک کے مختلف علاقوں میں لوگوں کے لیے ٹرانسپورٹ سروس فراہم کرنے والی کمپنی اوبر نے لاہور کے بعد کراچی میں بھی رکشا سروس کا آغاز کردیا۔ یہ رکشا سروس جدید ٹیکنالوجی سے آراستہ ہے۔

شہر کراچی میں کامیاب ٹرانسپورٹ سروس فراہم کرنے والی غیر ملکی کمپنی اوبر نے لاہور کے بعد کراچی میں بھی رکشہ سروس شروع کرنے کا اعلان کیا، اوبر نے اپنے ٹوئٹر اکاونٹ پر رواں ہفتے کراچی میں مفت رکشہ سروس دینے کا اعلان کیا تھا۔

اوبر رکشا سروس حاصل کرنے کے لیے صارفین کا اسمارٹ فون استعمال کرنا ضروری ہے تاہم سروس کو مشہور کرنے اور لوگوں کی توجہ حاصل کرنے کے لیے کمپنی کی جانب سے ایک کوڈ دیا گیا ہے جس کے استعمال سے یہ سروس مخصوص وقت میں 5 بار استعمال کی جاسکتی ہے۔

uber-post

جدید ترین ٹیکنالوجی سے آراستہ اوبر رکشا کو آپ کراچی کے کسی بھی علاقے میں ایپ پر درخواست بھیج کر بلا سکتے ہیں، اور اوبر رکشا آپ کو کراچی کے ایک سے دوسرے کونے تک پہچائے گا۔

uber-post2

سروس استعمال کرنے کا طریقہ کار کمپنی کی ویب سائٹ پر موجود ہے۔

Comments

comments

یہ بھی پڑھیں