اوچ شریف: موٹر وے ایم 5 جھانگڑہ انٹر چینج کے نزدیک تیز رفتاری کے باعث مسافر بس اُلٹ گئی، جس کے نتیجے میں 2 افراد جاں بحق اور 15 زخمی ہوگئے۔
اے آر وائی نیوز کے مطابق ریسکیوحکام کا کہنا ہے کہ حادثے میں جاں بحق اور زخمی ہونے والوں کو اسپتال منتقل کردیا گیا ہے۔ بیشتر زخمیوں کی حالت تشویشناک ہے۔
ریسکیو حکام کے مطابق مسافر بس اسلام آباد سے صادق آبادجارہی تھی کہ حادثے کا شکار ہوگئی۔
اس سے قبل بلوچستان سے پنجاب جانیوالی قومی شاہراہ پر مسافر بسیں الٹنے کے دو واقعات میں انتیس افراد زخمی ہوگئے تھے۔
کوئٹہ سے ژوب جانیوالی کوچ قومی شاہراہ پر ضلع پشین کے علاقے خانوزئی میں مزداٹرک کو بچاتے ہوئے کھائی میں گرگئی، جس کے نتیجے میں پندرہ مسافر زخمی ہوگئے تھے۔
مذکورہ حادثہ کے ڈیڑھ گھنٹے بعد اسی شاہراہ پر ضلع قلعہ سیف اللہ کے علاقے مسلم باغ میں ایک اور مسافر بس الٹ گئی تھی۔
مرغی کے گوشت کی قیمت میں غیرقانونی اضافہ، کمشنر کراچی کا اہم اقدام
زخمیوں کو تحصیل ہیڈ کوارٹر ہسپتال مسلم باغ لے جایا گیا جہاں سے سات شدید زخمیوں کو کوئٹہ منتقل کردیا گیا۔
