عید الاضحیٰ کے موقع پر اے آر وائی ڈیجیٹل سے نشر کی جانے والی خصوصی ٹیلی فلم اف یہ بیویاں ری لوڈڈ کا پرومو ریلیز کردیا گیا۔
تفصیلات کے مطابق عید الاضحیٰ کے موقع پر اے آر وائی ڈیجیٹل سے خصوصی ٹیلی فلم اف یہ بیویاں ری لوڈڈ نشر کی جائے گی جس کا پرومو ریلیز کردیا گیا۔
ٹیلی فلم کو مصباح علی سید نے تحریر کیا ہے جبکہ اس کی ہدایات کاشف سلیم نے دی ہیں۔
خصوصی ٹیلی فلم میں یاسر نواز، ندا یاسر، شائستہ لودھی اور صاحبہ افضل اپنی اداکاری کے جوہر دکھائیں گے۔
پرومو میں دکھایا گیا ہے کہ ندا، شائستہ اور صاحبہ تینوں یاسر نواز کی بیویوں کا کردار ادا کر رہی ہیں اور یاسر تینوں کی الجھنوں میں الجھے ہوئے ہیں۔
