لاہور : یونیورسٹی آف ہیلتھ سائنس کا کہنا ہے کہ اکتوبر کے وسط میں سرکاری اورپرائیویٹ میڈیکل کالجز کے داخلے کھول دیئے جائیں گے، اب طلبہ اور والدین کو ہر کالج کیلئےالگ درخواست نہیں دینا پڑے گی۔
تفصیلات کے مطابق یونیورسٹی آف ہیلتھ سائنس اب پرائیویٹ میڈیکل اینڈڈینٹل کالجز کے داخلے کرے گی، اکتوبر کے وسط میں سرکاری اورپرائیویٹ میڈیکل کالجز کے داخلے کھول دیئے جائیں گے۔
حکومت پنجاب کی ایڈمیشن پالیسی کے تحت سینٹرلائزڈ داخلے کیےجائیں گے ، وی سی یوایچ ایس پروفیسراحسن وحیدراٹھور نے بتایا کہ طلبہ اوروالدین کو ہر کالج کیلئے الگ درخواست نہیں دینا پڑے گی، ایک ہی پورٹل کے ذریعے امیدوار کالجز کی چوائس دے سکیں گے۔
پروفیسراحسن وحیدراٹھور کا کہنا تھا کہ سینٹرلائزڈ داخلوں سےایڈمیشن عمل میں میرٹ کویقینی بنایا جائے گا۔
انھوں نے مزید کہا کہ سرکاری اورنجی میڈیکل کالجزکےداخلےایک ساتھ کھلیں گے، جس پر امیدوارمیڈیکل کالجزمیں داخلے کیلئے بیک وقت اپلائی کرسکیں گے، میڈیکل کالجزکیلئے درخواست فیس 2ہزارروپےرکھی گئی ہے۔
یونیورسٹی آف ہیلتھ سائنس نے پرائیویٹ کالجزمیں داخلےکیلئے امیدواروں کے لیے ہدایات جاری کردی ہیں۔
