لندن : برطانوی خیراتی ادارے پر حماس کو فنڈنگ کرنے کا الزام لگ گیا، جس کی تحقیقات شروع کردی گئیں۔
تفصیلات کے مطابق حماس کو فنڈز دینے پر برطانوی خیراتی ادارے تحقیقات کی زد میں آگیا، برطانوی پولیس نے سیو ون لائف کے خلاف تحقیقات شروع کردی۔
برطانوی خیراتی ادارے پر الزام ہے اس کے فنڈز غزہ میں صحیح جگہ نہیں پہنچے، دعویٰ کیا جا رہا ہے فنڈز حماس کی مدد کے لیے استعمال ہو سکتے ہیں۔
ٹیلی گراف کی رپورٹ میں کہا گیا کہ خیراتی ادارے سیو ون لائف سے متعلق اطلاع انسداد دہشت گردی پولیس کو دی گئی، میٹروپولیٹن پولیس کو آن لائن سسٹم کے ذریعے ایسے مواد کی رپورٹنگ کی شکایت کی گئی، جوانتہا پسندی کو فروغ دیتا ہے۔
رپورٹ میں خدشہ ظاہر کیا گیا کہ تنظیم کی جانب سے بچوں کو دی جانے والی رقم میں سے کچھ حصہ حماس کو فراہم کیا جا رہا ہے۔
خیال رہے برطانیہ کا خیراتی ادارہ بچوں کو مالی امداد فراہم کرتا ہے اور امداد سات اکتوبر دوہزار تئیس کے بعد اسرائیلی کارروائی کے دوران غزہ بھیجی گئی تھی۔
