مانچسٹر: برطانیہ کا پاکستان میں پھنسے شہریوں کو واپس لانے کیلئےچارٹرڈپروازیں چلانے کا فیصلہ کرلیا ،چارٹرڈ پروازوں کا آغاز اگلے ہفتے سے کردیا جائے گا۔
تفصیلات کے مطابق حکومت برطانیہ نے پاکستان میں پھنسے برطانوی شہریوں کو واپس لانے کے لیے چارٹرڈ پروازیں چلانے کا فیصلہ کرلیا ہے، اگلے ہفتے سے چارٹرڈ پروازیں شروع کی جائیں گی۔
برطانوی ہائی کمشنر ڈاکٹر کرسٹین ٹرنر نے کہا کہ پی آئی اے کی پروازوں کے زریعے ساڑھے سات ہزار سے زائد شہری واپس لائے گئے، اب پی آئی اے کی جانب سے مزید پروازیں ناں چلانے کا اعلان کیا گیا ہے۔
برطانوی وزیر خارجہ ڈومنیک راب چارٹرڈ پروازیں چلانے کے لیے راضی ہو گئے ہیں، ڈاکٹر کرسٹین ٹرنر نے کہا کہ چارٹرڈ پروازوں کے ذریعے زیادہ سے زیادہ لوگوں کو واپس لایا جائے گا۔
برطانوی ہائی کمشنر کا کہنا تھا کہ چارٹرڈ پروازوں پر مسافروں کو ٹکٹ کی مناسب قیمت اداء کرنا ہو گی ، جلد ٹکٹ کے حصول کا طریقہ کا وضع کر دیا جائے گا۔
