لندن: برطانیہ میں ایک سروے میں حکمران جماعت کی شکست اپوزیشن کی تاریخی جیت کی پیشگوئی کی گئی ہے۔
تفصیلات کے مطابق برطانیہ میں عام انتخابات جولائی میں ہوں گے، انتخابات سے قبل ووٹرز کی رائے سے متعلق یو گو کے پہلے بڑے سروے کی رپورٹ جاری کی گئی ہے، جس میں حکمران جماعت کی شکست اور اپوزیشن جماعت کی جیت کی پیشگوئی کی گئی ہے۔
سروے رپورٹ کے مطابق لیبر پارٹی صدی کی سب سے بڑی تاریخی جیت حاصل کر سکتی ہے، اور اسے 422 نشستیں مل سکتی ہیں۔ لیبر پارٹی کے ٹونی بلیئر نے 1997 میں پہلی بار ایک بڑی جیت حاصل کر کے ریکارڈ قائم کر دیا تھا۔
سروے رپورٹ کے مطابق کنزرویٹیو پارٹی کو 140 کے ساتھ 1906 کے بعد اپنے سب سے بڑا نقصان کا سامنا ہو سکتا ہے، جب کہ لبرل ڈیموکریٹس کو 48 اور ایس این پی کو 17 نشستیں ملنے کا امکان ہے۔
انڈیا پیچھے، مودی آگے، بھارتی لوک سبھا انتخابات کے بعد ووٹوں کی گنتی جاری
برطانوی میڈیا کے مطابق یو گو (YouGov) پول کے لیے انگلینڈ اور ویلز میں 53 ہزار، اسکاٹ لینڈ میں 5 ہزار افراد کی رائے لی گئی۔
