برطانیہ ان دنوں شدید گرمی کی لپیٹ میں ہے اب سرکاری سطح پر ملک کے مختلف حصوں میں خشک سالی کا اعلان کردیا گیا ہے۔
برطانوی ماحولیاتی ایجنسی نے بتایا کہ موسم گرما کے دوران بارشوں کی کمی اور درجہ حرارت میں غیرمعمولی اضافے کے باعث جنوب مغربی، وسطی اور مشرقی علاقے خشک سالی کا شکار ہوئے ہیں۔
غشدید موسمی حالات میں پانی کےمحتاط استعمال کے ساتھ ماحولیاتی ایجنسی اورپانی کی کمپنیاں خشک سالی کےمنفی اثرات کے خلاف اقدامات تیزکریں۔
واضح رہے کہ برطانیہ میں رواں برس سب سے کم بارشیں ہوئیں ہیں، جولائی گزشتہ ستاسی برسوں کا گرم ترین مہینہ رہا تھا۔
وزارت آب پاشی کے حکام نے خبردار کیا ہے کہ کئی علاقوں میں دریا میں پانی کی سطح مسلسل اور تیزی سے کم ہو رہی ہے اور ہمارے آبی ذخائر سال کے اس وقت کی توقع سے تقریباً 20 فیصد کم ہیں.
اس حوالے سے انوائرمنٹ ایجنسی کی جانب سے جاری بیان میں کہا گیا ہے کہ خشک سالی ڈیکلیئر کرنے کا مطلب ہے کہ پانی کی ترسیل پر مامور کمپنیاں خشک موسم اور انوائرمنٹ کے اثر کو کم کرنے اور کسانوں کو بروقت پانی کی فراہمی کے لیے اقدامات کریں گی۔
انوائرمنٹ ایجنسی نے اپنے بیان میں مزید کہا کہ پانی کی تمام کمپنیوں نے ہمیں یقین دلایا ہے کہ پانی کی ترسیل کے لیے ضروری سامان اب بھی محفوظ ہے اور سپلائی کو برقرار رکھنے کے لیے ہرممکن کوشش کرتے رہیں گے۔
وزیر آب پاشی اسٹیو ڈبل نے قومی خشک سالی گروپ کی میٹنگ کے بعد میڈیا کو بتایا کہ ہم خشک موسم کے ادوار کے لیے پہلے سے کہیں بہتر طور پر تیار ہیں، لیکن ہم کسانوں اور ماحولیات پر پڑنے والے اثرات سمیت صورت حال پر گہری نظر رکھیں گے اور ضرورت کے مطابق مزید کارروائی کریں گے۔
