The news is by your side.

Advertisement

پاکستان کو برطانوی ریڈ لسٹ سے نکالا جائے گا یا نہیں ؟ اعلان آج متوقع

آکسفورڈ : برطانیہ کی جانب سے آج پاکستان کو ریڈ لسٹ سے نکالے جانے کا امکان ہے ، پاکستان اور ترکی سمیت 12ممالک کو کم خطرناک ممالک میں شامل کیا جاسکتا ہے۔

تفصیلات کے مطابق برطانیہ کی جانب سے آج نئے بین الاقوامی سفری شرائط کے اعلان کا امکان ہے ، جس میں ریڈ ، گرین اور ایمبر لسٹ کی جگہ کم خطرناک اور زیادہ خطرناک ممالک متعارف ہو سکتے ہیں۔

پاکستان اور ترکی سمیت 12ممالک کے کم خطرناک ممالک میں شمولیت کا امکان ہے جبکہ دو ویکسین لگوانے والوں مسافروں کے لیے روانگی اور آمد کے وقت پی سی آر ٹیسٹ کے خاتمہ کے بھی امید ہے۔

کم خطرناک ممالک سے واپس آنے والوں کو قرنطینہ اور لیٹرل فلو ٹیسٹ کروانا ہو گا۔

یاد رہے برطانوی تجزیہ کاروں نے پاکستان کو ریڈلسٹ سے نکالے جانے کی پیشگوئی کر رکھی ہے ، میڈیا رپورٹ میں کہا گیا تھا کہ جنوبی افریقہ، ترکی ،پاکستان ریڈ لسٹ سے نکلنے کیلئے موزوں ترین ہیں۔

برطانوی میڈیا کا کہنا تھا کہ پاکستان نے30روزمیں امبرلسٹ ممالک جیسی جینومک سیکوئنسنگ کی، پاکستان، ترکی،جنوبی افریقہ سے سنگین ویرئینٹ برطانیہ نہیں آیا، برطانیہ کی ریڈ لسٹ میں 62 ممالک شامل ہیں۔

Comments

یہ بھی پڑھیں