The news is by your side.

Advertisement

دنیا دو نیوکلیئرپاور ملکوں کی جنگ کی متحمل نہیں ہوسکتی: برطانوی رکن پارلیمنٹ

لندن: پاکستانی نژاد برطانوی رکن پارلیمنٹ افضل خان کا کہنا ہے کہ دنیا دو نیوکلیئرپاور ملکوں کی جنگ کی متحمل نہیں ہوسکتی۔

تفصیلات کے مطابق برطانوی پارلیمنٹ سے خطاب کرتے ہوئے افضل خان کا کہنا تھا کہ کشمیر میں بھارت انسانی حقوق کی سنگین خلاف ورزیاں کررہا ہے۔

انہوں نے کہا کہ بھارت نے کشمیریوں کی نمائندہ حریت قیادت کو گرفتار کرلیا ہے، پاک بھارت کشیدگی میں خاتمے کے لیے برطانوی کردار قابل ستائش ہے۔

رکن پارلیمنٹ افضل خان کا مزید کہنا تھا کہ برطانوی وزیر مملکت برائے ایشیا وپیسیفک مارک فیلڈ کی جانب سے معاملے پر خاموشی باعث افسوس ہے۔

دوسری جانب برطانوی وزیر مارک فیلڈ نے موقف اختیار کیا کہ اقوام متحدہ کی سطح پر مقبوضہ کشمیر کا معاملہ دیکھا جارہا ہے۔

واضح رہے 14 فروری کو مقبوضہ کشمیر کے ضلع پلوامہ میں کار بم حملے میں42 بھارتی فوجی ہلاک اور متعدد زخمی ہوئے تھے، حملے کے فوری بعد بھارت نے پاکستان پر الزام تراشی کا سلسلہ شروع کردیا تھا۔

بالا کوٹ اسکرپٹ: بھارتی وزیر نے لڑکیوں کے اسکول کو مدرسہ بنا دیا، کامیابی کے لیے پرانی تصاویر دکھا دیں

بعد ازاں 26 اور 25 فروری کی درمیانی شب بھارتی طیاروں نے پاکستانی حدود کی خلاف ورزی کی تھی اور وہ جہاز کا ایمونیشن گرا کر فرار ہوگئے تھے۔

خیال رہے کہ بھارت کی حکمراں جماعت، فوجی ترجمان اور چیلنز نے بالا کوٹ حملے کو کامیاب قرار دیتے ہوئے دعویٰ کیا تھا کہ فضائیہ کی کارروائی میں 300 سے 350 سے افراد مارے گئے۔جبکہ حقیقت میں فیول ٹینک کے دھماکے سے درخت تباہ ہوئے تھے۔

Comments

comments

یہ بھی پڑھیں