The news is by your side.

Advertisement

برطانوی وزیراعظم خطاب کے دوران مشکل میں پھنس گئے

لندن: برطانیہ کے وزیراعظم بورس جانسن صنعت کاروں سے خطاب کے دوران مشکل میں پھنس گئے۔

اے آر وائی نیوز کی رپورٹ مطابق برطانوی وزیراعظم ایک تقریب میں پہنچے جہاں انہوں نے صنعتکاروں سے خطاب کرنا تھا لیکن جب انہوں نے خطاب شروع کیا تو ان کو مشکل پیش آنے لگی جسے تقریب میں موجود لوگ بھی بھانپ گے۔

بورس جانسن کی تقریر کے لیے بنائے گئے نوٹس گڈ مڈ ہونے سے وہ ادھر ادھر کی باتیں بتاتے رہے۔

انہوں نے کبھی گاڑی کی آواز نکال کر خفت مٹانے کی کوشش کی تو کبھی حاضرین سے معذرت کرتے نظر آئے۔

تقریب کے دوران بورس جانسن گزشتہ روز اپنے تفریحی پارک کے دورے کا قصہ بھی بار بار چھیڑتے رہے لیکن اصل بات پر نہ آسکے۔

جب صحافیوں نے ان سے تقریر کے بارے میں پوچھا تو جانسن بے چین نظر آئے اور کہا کہ انہوں نے وہ نکات مس کردئیے ہیں جو وہ چاہتے تھے۔

بورس جانسن نے کہا مجھے لگتا ہے کہ لوگوں کو زیادہ تر پوائنٹس مل گئے جو میں بنانا چاہتا تھا۔ میں نے سوچا کہ یہ ٹھیک ہو گیا ہے۔

Comments

یہ بھی پڑھیں