The news is by your side.

برطانوی وزیراعظم نے چلتی کار میں سیٹ بیلٹ نہ پہننے پر معذرت کرلی

لندن : برطانوی وزیراعظم رشی سونک نے چلتی کار میں سیٹ بیلٹ نہ پہننے پر معذرت کرتے ہوئے کہا ہر شہری کو سفر کے دوران سیٹ بیلٹ ضرور پہننا چاہیے۔

تفصیلات کے مطابق برطانوی وزیرِ اعظم رشی سونک نے اپنی غلطی کا احساس ہونے پر معذرت کرلی اور کہا کہ ہر شہری کو سفر کے دوران سیٹ بیلٹ ضرور پہننا چاہیے۔

رشی سونک نے اپنے انسٹاگرام پر ایک ویڈیو شیئر کی تھی جس میں انہیں ویڈیو پیغام کے دوران بغیر سیٹ بیلٹ باندھے گاڑی میں سفر کرتے دیکھا گیا تھا۔

رشی سونک نے کہا کہ سوشل میڈیا کیلئے کلپ بنانے کی خاطر مختصر وقت کیلئے سیٹ بیلٹ کھولی تھی، غلطی کا مکمل احساس ہے، اسی لیے معذرت خواہ ہوں۔

واضع رہے برطانیہ میں سفر کے دوران سیٹ بیلٹ ہونے کے باوجود نہ پہننے پر سو پاؤنڈ تک جرمانہ ادا کرنا پڑتا ہے جبکہ معاملہ کورٹ میں جانے کی صورت میں جرمانہ پانچ سوپاؤنڈ تک ہو سکتا ہے۔

Comments

یہ بھی پڑھیں