لندن: انسانی غفلت یا سازش؟ برطانوی نیشنل ڈیٹا بیس سے لاکھوں مجرمان کا ریکارڈ غائب ہوگیا ہے۔
بین الاقوامی میڈیا رپورٹ کے مطابق برطانیہ پولیس نے بتایا کہ ملک بھر سے کم وبیش چار لاکھ مجرمان کا ریکارڈ نیشنل ڈیٹا بیس سے خارج ہوا ہے، یہ سنگین غلطی ممکنہ طور پر کام کے دوران کسی ٖغلط "کوڈ” کے باعث سرزد ہوئی۔
میڈیا رپورٹ کے مطابق مجرمان کا کرمنل ریکارڈ غائب ہونے کے ساتھ ساتھ ان کے فنگر پرنٹس اور ڈی این اے معلومات بھی غائب ہوگئیں ہیں، دی ٹائمز کے رپورٹ کے مطابق نیشنل کونسل آف چیف آف پولیس کا تخمینہ ہے کہ 213،000 فوجداری ریکارڈ ، 175،000 گرفتاری کے وارنٹ اور 15،000 ذاتی پروفائلز جو شاید وہ برطانوی ڈیٹا بیس سے غائب ہو چکے ہیں۔
دوسری جانب وزیرداخلہ پریتی پاٹیل نے دعویٰ کیا ہے کہ ہمارے انجینئرز نے ریکارڈ کو بحال کرلیا ہے، ڈیٹا ریکوری کے لئے وزارت داخلہ کے اہلکار مستعدی کے ساتھ کام کررہے ہیں ، امید ہے کہ اس قسم کی غلطی آئندہ نہیں ہوگی۔
