The news is by your side.

Advertisement

برطانوی حساس ادارے میں مہاجرین گھرانوں کے افراد بھرتی کئے جائیں گے

لندن: برطانیہ کا انٹیلی جنس ادارہ ایم آئی 6 پہلی مرتبہ مہاجرین کی نسل سے تعلق رکھنے والے افراد کو ادارے میں شمولیت کی دعوت دے گا، ادارے اس سلسلے میں اشتہار بھی دے دیا ہے۔

غیر ملکی خبر رساں ادارے کے مطابق ادارے کے سربراہ ایلکس بینگر نے اس ضابطے کو منسوخ کردیا جو اس بات کے متقاضی تھا کہ ادارے کے ملازمین کے والدین برطانوی ہوں، برطانوی انٹیلی جنس ادارے کی جانب سے آئندہ بھرتی کیے جانے والوں کے لیے صرف یہ مطلوب ہوگا کہ وہ برطانیہ میں پیدا ہوئے ہوں۔

برطانوی انٹیلی جنس ادارے کی جانب سے آئندہ بھرتی کیے جانے والوں کے لیے صرف یہ مطلوب ہوگا کہ وہ برطانیہ میں پیدا ہوئے ہوں

ایلکس بینگر

برطانوی انٹیلی جنس ادارے نے بھرتی کی مہم شروع کی ہے جس میں ایسی خواتین کو مدنظر رکھا گیا ہے جن کے بچے افریقی نژاد ہیں، اس کا مقصد ادارے کے ملازمین میں نسلی تنوع کو بڑھانا ہے۔

بینگر نے صحافیوں سے گفتگو کرتے ہوئے کہا کہ وہ اس موقع سے فائدہ اُٹھانا چاہتے ہیں تاکہ اس فضول ضباطے کو ختم کیا جاسکے جو ابھی تک ممکنہ امیدواروں کو دور کرنے کا ایک بڑا سبب ہے۔

واضح رہے کہ یہ پیش رفت ایسے وقت میں سامنے آئی ہے جب مذکورہ حساس ادارے نے 109 سالہ تاریخ میں گزشتہ روز پہلی مرتبہ اشتہار شائع کیا، اشتہار کا اختتام اس جملے کے ساتھ ہوتا ہے ایم آئی 6 ہم مکمل طور پر آپ کی طرح ہیں۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں