The news is by your side.

Advertisement

جعلی کورونا ٹیسٹ کا طریقہ، ماہرین طلبہ کی چالاکی پر ہکا بکا رہ گئے

لندن: برطانیہ میں طلبہ نے اسکول میں حاضری سے بچنے کیلئے اورنج جوس کے زریعے جعلی کورونا ٹیسٹ کا طریقہ تلاش کرلیا ، اورنج جوس میں تیزابیت بنیادی طور پر ٹیسٹ کی اصلیت ختم کر دیتی ہے۔

تفصیلات کے مطابق برطانیہ میں طلبہ کا جعلی کورونا ٹیسٹ کیلئے اورنج جوس کے استعمال کا انکشاف سامنے آیا ، برطانوی اخبار دی گارڈین کی رپورٹ میں بتایا گیا ہے کہ طلبہ نے اسکول حاضری سے بچنے کیلئےجعلی مثبت نتیجے کا طریقہ تلاش کرلیا، طلبہ جعلی نتیجے کے ذریعےاسکول سے دو ہفتے کی چھٹی حاصل کرلیتے ہیں۔

رپورٹ میں کہا گیا ہے کہ کورونا سے متاثرہ جوس نہیں بلکہ بظاہر تیزابیت ہے، اورنج جوس میں تیزابیت بنیادی طور پر ٹیسٹ کی اصلیت ختم کر دیتی ہے، طلبہ کے بقول اسکول سے دوہفتےکی چھٹی کا یہ بہترین طریقہ ہے۔

یہ کورونا ٹیسٹ عام طور پر ایک کٹ کے ذریعے ازخود کیا جاتا ہے اور یہ 30منٹ کے بعد اپنے نتائج ظاہرکردیتا ہے، اس میں سلاخ پر روئی کا استعمال کرتے ہوئے منہ اورناک کے اندر سے ایک نمونہ لیا جاتا ہے۔اس کو اورنج مائع میں شامل کیا جاتا ہے اور پھر اس مائع کو ٹیسٹ پٹی پر نچوڑ دیا جاتا ہے۔

اخبار میں کہا گیا کہ یہی اثرات کیچپ، کوکا کولا سمیت متعدد مشروبات اور کھانے کی اشیا میں بھی دیکھے گئے ہیں، یونیورسٹی کالج لندن کی پروفیسر آندریاسیلا کا کہنا ہے کہ یہ دریافت حیرت انگیز نہیں، اگر کوئی جان بوجھ کر ٹیسٹ کے پووٹوکول توڑتا ہے تو اس کے نتائج بدل جاتے ہیں۔

Comments

یہ بھی پڑھیں