لندن: برطانوی یونیورسٹی ہُل نے کہا ہے کہ ورکشاپ میں شامل پاکستانی ججز کے انتخاب میں اس کا کوئی عمل دخل نہیں ہے۔
تفصیلات کے مطابق برطانوی یونیورسٹی نے پاکستانی ججز کے تربیتی کورس سے متعلق وضاحت جاری کر دی ہے، یونیورسٹی آف ہُل نے ٹریننگ کورس سے متعلق وضاحتی بیان میں کہا ہے کہ ٹریننگ کے لیے افراد کے انتخاب میں اس کا کوئی عمل دخل نہیں ہے۔
اعلامیے میں کہا گیا ہے کہ پاکستان سے کورس میں شرکت کرنے والے ججز کا انتخاب پاکستان کی متعلقہ عدالتیں کرتی ہیں، موجودہ کورس کے شرکا کا انتخاب اسلام آباد سپریم کورٹ اور پشاور کی ہائی کورٹس نے کیا ہے۔
- Advertisement -
چیئرمین پی ٹی آئی کو سزا سنانے والے جج انگلینڈ روانہ
اعلامیے کے مطابق ہل یونیورسٹی 2014 سے پاکستانی ججز کے لیے ورکشاپ منعقد کروا رہی ہے۔ یاد رہے کہ توشہ خانہ کیس کا فیصلہ دینے والے سیشن جج ہمایوں دلاور بھی یونیورسٹی آف ہل کی ورکشاپ میں شریک ہیں۔
