تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

کرونا ویکسین پر سب سے زیادہ بھروسہ کرنے والا ملک کون سا ہے؟

لندن: دنیا بھر میں کرونا وائرس سے بچاؤ کے لیے ویکسی نیشن جاری ہے، حال ہی میں کیے جانے والے ایک سروے سے پتہ چلا کہ برطانیہ ان ویکسینز پر سب سے زیادہ بھروسہ کرنے والا ملک ہے۔

بین الاقوامی ویب سائٹ کے مطابق دنیا بھر میں برطانیہ کووڈ ویکسین پر سب سے زیادہ اعتماد کرنے والا ملک ہے، 15 ممالک کے لوگوں سے کیے گئے ایک سروے رپورٹ میں بتایا گیا کہ کووڈ ویکسینز پر سب سے زیادہ اعتماد برطانیہ میں کیا جاتا ہے۔

برطانیہ میں 10 میں سے 9 افراد نے کہا کہ وہ ویکسین پر بھروسہ کرتے ہیں، اس حوالے سے اسرائیل دوسرے نمبر پر رہا جہاں 83 فیصد افراد نے ویکسینز پر اعتماد کا اظہار کیا۔

جاپان میں ویکسین پر اعتماد کی شرح کم ترین سطح 47 فیصد پر پائی گئی۔

امپیریئل کالج لندن کی ٹیم جو نومبر سے ویکسین کے بارے میں لوگوں کے رویوں پر نظر رکھے ہوئے ہے، کا کہنا ہے کہ مجموعی طور پر اعتماد میں اضافہ ہوا ہے، تاہم ان کا کہنا ہے کہ ویکسینز پر اعتماد بڑھانے کے لیے اب بھی کام کرنا باقی ہے۔

یہ سروے یوگوو کے تعاون سے کیا گیا جس میں 68 ہزار سے زائد افراد شامل تھے۔ ان ممالک میں جہاں ابھی تک ویکسین وسیع پیمانے پر دستیاب نہیں تھی، وہاں حفاظت سے متعلق خدشات کا بھی انکشاف ہوا۔

ویکسین نہ رکھنے کی سب سے عام وجہ اس کے لیے اہل نہ ہونا تھا۔ برطانیہ اور اسرائیل ان ممالک میں شامل ہیں جنہوں نے آج تک اپنے شہریوں کو ویکسین کی زیادہ سے زیادہ خوراکیں دیں۔

سروے کے مطابق جاپان میں ویکسی نیشن کی مہم دیر سے شروع ہوئی اور رسد کی قلت اور تنظیمی مشکلات کی وجہ سے رکاوٹ ہوئی، سروے میں جن دیگر تشویش آمیز ممکنات پر روشنی ڈالی گئی ان میں ویکسین کے ممکنہ مضر اثرات اور حفاظت پر تحفظات شامل تھے۔

اس سے یہ حقیقت بھی سامنے آئی ہے کہ مختلف ممالک میں صحت کے حکام پر اعتماد مختلف ہے۔

امپیریل کالج لندن کی پروجیکٹ لیڈر سارہ جونز نے کہا کہ ہمارے سروے نتائج سے پتہ چلتا ہے کہ کرونا وائرس ویکسین کی حفاظت اور اس کی تاثیر کے بارے میں عوام کو یقین دلانے کے لیے ابھی بہت کچھ کرنا باقی ہے۔ ہم امید کرتے ہیں کہ لوگوں نے جو خدشات اٹھائے ہیں حکومتوں کی جانب سے انہیں دور کرنے کے لیے بروقت اقدامات کیے جائیں گے۔

انہوں نے کہا کہ سروے کے اعداد و شمار سے ہم دیکھ سکتے ہیں کہ لوگ کووڈ 19 کے لیے مختلف ویکسینز پر مختلف انداز میں بھروسہ کرتے ہیں۔

Comments

- Advertisement -