The news is by your side.

Advertisement

یوکرین میں کورونا وائرس کی ایک اور قسم دریافت

یوکرین :  بوکووینا کے علاقے میں کورونا وائرس کی نئی قسم کی توثیق ہوئی ہے جو کہ ملک میں تیزی سے پھیل رہی ہے، یہ برطانیہ میں پائی گئی کورونا کی قسم سے کافی ملتا جلتا ہے۔

برطانیہ، برازیل اور جنوبی افریقہ میں پائی گئی کورونا وائرس کی مختلف اقسام کے بعد اب یوکرین میں بھی کورونا کی ایک نئی قسم کے بارے میں معلوم ہوا ہے جو کہ بے حد متعدی ہے۔

اس بات کا انکشاف گزشتہ روز یوکرین میں اشیائے خوردنی اور صارفین کے تحفظ کے محکمہ کے سربراہ اولیہہ روبن نے اپنے بیان میں کیا۔

روبن نے کہا کہ دنیا میں اب تک کورونا وائرس (کوویڈ- 19) کی ایسی پانچ اقسام کے بارے میں پتہ چلا ہے جو کہ بے حد متعدی ہیں۔ ان میں برطانیہ، اسپین، جنوبی افریقہ اور برازیل میں پائی گئی کورونا کی اقسام شامل ہیں، یہ پانچ اقسام ہیں جو کہ چین سے ہی پوری دنیا میں پھیلی ہیں۔

انہوں نے کہا کہ یوکرین کے بوکووینا علاقے میں کورونا وائرس کی نئی قسم کی توثیق ہوئی ہے جو کہ ملک میں تیزی سے پھیل رہا ہے۔ یہ برطانیہ میں پائی گئی کورونا کی قسم سے کافی ملتا جلتا ہے ۔

اس قسم میں ایسے ٹریٹ ہیں جنہیں عالمی ادارہ صحت (ڈبلیو ایچ او) کی جانب سے اب تک رجسٹرڈ نہیں کیا گیا ہے۔ روبن نے کہا کہ ڈبلیو ایچ او کو کورونا کی نئی قسم کے بارے میں اطلاع دی گئی ہے۔

Comments

یہ بھی پڑھیں