شیڈول کے باوجود اطالوی وزیراعظم کے فون نہ کرنے پر یوکرینی صدر نے طنز کرتے ہوئے کہا ہے کہ اگلی بار اطالوی وزیراعظم سے بات کیلئےجنگ کا وقت آگے یا پیچھےکروں گا۔
یوکرین کےصدر اور اطالونی وزیراعظم کے درمیان ٹیلی فون پر گفتگوشیڈول تھی تاہم یوکرینی اور روسی افواج میں جھڑپوں کے باعث اطالوی وزیراعظم نےفون نہیں کیا۔
یوکرینی صدر نے شیڈول کے بعد بھی اطالوی وزیراعظم کےفون نہ کرنےپر اظہارِ ناراضی کیا۔
یوکرینی صدر ولادیمیر زیلنسکی کا کہنا ہے کہ ہم اپنے ملک کا تنہا دفاع کر رہے ہیں اور دنیا کی طاقتور ترین قومیں صرف دور سے دیکھ رہی ہیں۔
انہوں نے کہا کہ روس کیساتھ جھڑپوں میں اب تک137 افراد ہلاک ہو چکےہیں اموات کو روکنے کے لیے ٹیبل ٹاک کرنے کو تیار ہیں، میں روس کے صدر سے مخاطب ہوں اموات روکنے کے لیے مذاکرات کی میز پر بیٹھیں۔
یوکرینی صدر نے اپنی فوج کو ثابت قدمی کا مظاہرہ کرنے کی ہدایت کرتے ہوئے محاذوں ڈٹ رہنے کی تلقین کی ہے انہوں نے کہا کہ آپ ہی ہمارا سب کچھ ہیں آپ پی ہماری ریاست کے محافظ ہیں۔
