The news is by your side.

Advertisement

مسافر طیارے کی تباہی کا اعتراف ، یوکرینی صدر کا ایران سے بڑا مطالبہ

کیئو : یوکرین کے صدر نے مسافر طیارے کی تباہی کے اعتراف کے بعد ایران سے مطالبہ کیا ہے کہ طیارے کی تحقیقات کیلئے یوکرین کے ماہرین کو رسائی دے۔

تفصیلات کے مطابق ایران کی جانب سے مسافر طیارے کی تباہی کے اعتراف کے بعد یوکرین کے صدر نے تباہ طیارے کی مکمل تحقیقات کا مطالبہ کرتے ہوئے کہا ہے کہ ایران طیارے کی تحقیقات کیلئے یوکرین کےماہرین کو رسائی دے۔

دوسری جانب روسی پارلیمنٹ نے بھی یوکرین کے طیارےکونشانہ بنانے کی مذمت کرتے ہوئے کہاہے کہ وہ ایرانی اقدام کی مذمت کرتے ہیں لیکن ایران کومشتعل کیا گیا تھا۔

یاد رہے ایران نے یوکرین کے مسافر طیارے کو غلطی سے نشانہ بنانے کا اعتراف کرتے ہوئے کہا تھا کہ مسافر طیارہ نادانستہ طور پر حملے کا نشانہ بنا۔

مزید پڑھیں : یوکرین طیارہ میزائل کا نشانہ بنا ، ایران کا بڑا اعتراف

غیر ملکی خبر ایجنسی کے مطابق ایران نے مسافر طیارہ حادثے کا سبب انسانی غلطی کو قراردیا ، ملٹری حوالے سے بتایا گیا کہ ایران نے ’غیر ارادی‘ طور پر طیارے کو نشانہ بنایا۔

طیارے کی تباہی کےاعتراف کے بعد ایرانی وزیر خارجہ جواد ظریف ان کا کہنا تھاکہ وہ ایرانی عوام ،متاثرہ خاندانوں اور قوموں سے بہت معذرت اورتعزیت کرتے ہیں،امریکا کے ایڈونچرزم کے باعث پیدا بحران میں انسانی غلطی سے تباہی ہوئی،آج افسوسناک دن ہے، مسلح افواج کی اندرونی ابتدائی تحقیقات سے غلطی کا پتہ چلا۔

fb-share-icon0
Tweet 20

Comments

comments

یہ بھی پڑھیں