یوکرین کی جانب سے تصدیق کی گئی ہے کہ کیف کو روس کی جانب سے فوجیوں کی 757 لاشیں موصول ہوگئی ہیں۔
روس یوکرین جنگ کے حوالے سے غیرملکی خبرایجنسی نے بتایا کہ دونوں ملکوں کے درمیان لاشوں کے تبادلے کا معاہدہ ہے، جنگ میں فوجی ہلاکتوں کی تعداد روس اور یوکرین بتانے سے گریز کررہے ہیں، یوکرین کے صدر زیلنسکی نے دسمبر میں فوجیوں کی ہلاکتوں سے متعلق انکشاف کیا تھا۔
یوکرینی صدر کے مطابق 2022 سے دسمبر 2024 تک 43 ہزار یوکرینی فوجی مارے جاچکے ہیں، یوکرینی صدر نے انکشاف کیا تھا کہ جنگ میں 3لاکھ 70ہزار یوکرینی فوجی زخمی ہوئے ہیں۔
غیرملکیک خبرایجنسی نے مزید بتایا کہ روس کی جانب سے اپنے فوجیوں کی ہلاکت یا زخمی ہونے سے متعلق نہیں بتایا گیا تھا۔
دریں اثنا کریملن نے کہا ہے کہ روسی صدر امریکی ہم منصب سے بات چیت کیلئے تیار ہیں، بات چیت کیلئے امریکا کی جانب سے سگنل کا انتظار کررہے ہیں۔
سیکریٹری روسی سلامتی کمیٹی کا کہنا ہے کہ ایٹمی طاقتوں کے درمیان تصادم کا خطرہ بڑھ رہا ہے، نیٹو روس کے قریب مشرقی حصے پر سرگرمیاں بڑھا رہا ہے۔
یوکرین جنگ کی وجہ سے پیوٹن روس کو تباہ کررہے ہیں، امریکی صدر ٹرمپ