کیف: یوکرین نے دعویٰ کیا ہے کہ اس کی آرمڈ فورسز نے روسی دستوں کو تباہ شدہ شہر باخموت سے نکال باہر کر دیا ہے۔
غیر ملکی میڈیا رپورٹس کے مطابق روس اور یوکرین کے درمیان باخموت کے مقام پر گھمسان کی لڑائی جاری ہے، یوکرینی حکام نے کہا کہ یوکرین جوابی حملے میں روس سے قبضہ شدہ زمین واپس چھین رہا ہے۔
یوکرینی فورسز نے روسی فوج کے خلاف کروشیا کے فراہم کردہ راکٹ لانچرز کا بھی استعمال کیا، دوسری جانب روسی افواج نے بھی مشر ق اور مغرب میں یوکرینی فوج کی پیش قدمی روکنے کا دعویٰ کیا ہے۔
یاد رہے کہ یوکرین نے پیر کو کہا تھا کہ اس کے فوجیوں نے مشرقی شہر باخموت میں قابض روسی فوجیوں کو ’’ایک جال میں‘‘ پھنسا دیا ہے۔
