نیویارک : اقوام متحدہ میں یوکرین جنگ پر روس کیخلاف مذمتی قرارداد منظور کرلی گئی، پاکستان اور چین نے ووٹنگ میں حصہ نہیں لیا۔
اقوام متحدہ کی جنرل اسمبلی نے یوکرین پر روس کے حملے کی مذمت کی قرارداد کو کثرت رائے سے منظور کر لیا ہے۔
تفصیلات کے مطابق یوکرین جنگ پرروس کیخلاف اقوام متحدہ میں مذمتی قرارداد منظور کرلی گئی۔
جنرل اسمبلی میں ایک سو اکتالیس نے حق میں اور سات نے مخالفت ووٹ کاسٹ کیا۔
پاکستان، چین، روس، ایران اور بھارت سمیت بتیس ممالک نے ووٹنگ میں حصہ نہیں لیا۔
پاکستانی مستقل مندوب منیر اکرم نے کہا کہ قرارداد میں کچھ شقیں پاکستانی موقف سے مطابقت نہیں رکھتیں، طاقت کے استعمال سے ریاستوں کو توڑا نہیں جا سکتا۔
منیر اکرم کا کہنا تھا کہ مقبوضہ جموں و کشمیر کے معاملے پرعالمی اصول کی پاسداری نہیں کی گئی، بھارت کی جموں وکشمیر کے زبردستی الحاق کی کوشش عالمی اصول کیخلاف ہے۔
انھوں نے مزید کہا براہ راست یا بالواسطہ مذاکرات یا ثالثی کے ذریعے منصفانہ اور پائیدار حل کےحامی ہیں۔
