The news is by your side.

Advertisement

یوکرین جنگ : روسی خاتون کو احتجاج کرنا مہنگا پڑگیا، ویڈیو دیکھیں

ماسکو : روسی فوج کی جانب سے یوکرین پر ہونے والے فضائی حملوں سے ہونے والی تباہی پر مختلف حلقوں کی جانب سے تشویش کا اظہار کیا جارہا ہے۔

سے یوکرین پر ماسکو کے فوجی حملے کے خلاف سرکاری ٹی وی کے پرائم ٹائم نیوز بلیٹن کے دوران احتجاج کرنے والی روسی ایڈیٹر کو عدالت نے جرمانے کے بعد رہا کر دیا ہے۔

فرانسیسی خبر رساں ادارے اے ایف پی کے مطابق منگل کو ماسکو کی ڈسٹرکٹ کورٹ کے جج نے سرکاری ٹی وی چینل کی ملازمہ مرینہ سیانیکوف کو 280 ڈالر جرمانہ ادا کرنے کا حکم دیا۔

مرینہ سیانیکوف نے روس کے سرکاری ٹی وی کےا سٹوڈیو میں گھس کر براہ راست نشریات کے دوران جنگ مخالف نعرے لگائے تھے۔ یاد رہے کہ ان کے اس احتجاج کی وجہ سے روس کے سرکاری ٹیلی ویژن اسٹیشن میں افراتفری کی صورت حال پیدا ہوگئی تھی۔

مرینہ سیانیکوف نے پوسٹر اٹھا رکھا تھا جس پر انگریزی اور روسی زبان میں "جنگ نہیں” کے الفاظ درج تھے۔ پوسٹر پر یہ بھی لکھا تھا کہ جنگ کو روک دو، پروپیگنڈے پر اعتبار مت کرو، یہ یہاں جھوٹ بول رہے ہیں، ان کے علاوہ ایک جملہ مزید بھی درج تھا تاہم وہ واضح نہیں تھا۔

احتجاج کا یہ غیرمعمولی واقعہ روس کی جانب سے یوکرین پر حملے 14 روز بعد سامنے آیا ہے، احتجاج کے دوران بھی نیوزکاسٹر نے اپنا کام جاری رکھا اور ٹیلی پرومپٹر پر نظریں جمائے رکھیں۔

واضح رہے کہ روس کا ریاستی ٹی وی لاکھوں روسیوں تک معلومات پہنچانے کا سب سے بڑا ذریعہ ہے اوریوکرین جنگ کے معاملے پر حکومتی نقطہ نظر کو اپنائے ہوئے ہے کہ کریملن کو مجبوراً یوکرین پر حملہ کرناپڑا۔

Comments

یہ بھی پڑھیں