تہران: ایران کے دارالحکومت تہران میں ایک مسافر طیارہ گر کر تباہ ہو گیا ہے، جس میں 179 مسافر سوار تھے۔
تفصیلات کے مطابق ایرانی سرکاری ٹی وی نے خبر دی ہے کہ تہران میں یوکرین کا مسافر طیارہ خمینی ایئرپورٹ سے ٹیک آف کے بعد ہی گر کر تباہ ہوا، حادثے کے شکار طیارے میں 179 مسافر اور عملے کے ارکان سوار تھے۔
ایرانی میڈیا کا کہنا ہے کہ یوکرین کے تباہ طیارے میں سوار تمام افراد ہلاک ہو گئے ہیں، ریڈ کریسنٹ کا بھی کہنا ہے کہ تباہ شدہ طیارے میں کسی مسافر کے بچنے کا امکان نہیں، برطانوی میڈیا کے مطابق یوکرین کے طیارے میں کریش کے وقت آگ لگ گئی تھی۔
آخرین تصاویر از محل سقوط هواپیمای اوکراینی pic.twitter.com/mydd9Nw8aw
— اتاق خبر منوتو (@ManotoNews) January 8, 2020
ایرانی سرکاری ٹی وی کا یہ بھی کہنا ہے کہ یوکرین کا بوئنگ 737 مسافر طیارہ فنی خرابی کے باعث ایئرپورٹ کے قریب گر کر تباہ ہوا ہے۔
ایرانی حکام کا کہنا ہے کہ یوکرین کے تباہ شدہ طیارے میں 147 ایرانی اور 32 غیر ملکی سوار تھے، طیارے میں آگ لگنے کی وجہ سے لاشیں خراب حالت میں ہیں۔ تباہ ہونے والے مسافر طیارے کا بلیک باکس بھی مل گیا ہے۔
0
20
