قومی ٹیم کے سابق وکٹ کیپر بلے باز کامران اکمل کا کہنا ہے کہ عمر اکمل کا اسٹرائیک ریٹ ویرات کوہلی سے بہت بہتر ہے۔
اے آر وائی نیوز کے اسپورٹس پروگرام ہر لمحہ پرجوش میں بات کرتے ہوئے کامران اکمل کا کہنا تھا کہ ٹی ٹوئنٹی ورلڈ کپ کے میچز کے جو اسٹیٹس سامنے آئے ہیں، اس میں عمر اکمل کا اسٹرائیک ریٹ ویرات سے بہتر ہے، جبکہ اسکور بھی زیادہ ہے۔
کامران اکمل کا کہنا تھا کہ مسئلہ یہ ہے کہ ہماری پی آر کمپنی نہیں ہے، ہم لوگ سوشل میڈیا پر اتنا پھیلاتے نہیں جتنا اور لوگ پھلاتے ہیں۔
انہوں نے کہا کہ یہ اسٹیٹس 15 لڑکوں میں کسی اور کو ملے ہوتے تو اس وقت تک تباہی آجانی تھی، ویرات کوہلی پر تنقید شروع ہوجاتی کہ بڑا پلیئر بنتا ہے، بڑی سینچریاں اسکور کی ہوئی ہیں، یہ اس قسم کے پلیئر ہیں۔
اس سے قبل ٹی ٹوئنٹی ورلڈ کپ میں امریکا سے شکست کے بعد بھارت سے جیتا ہوا میچ ہارنے پر پاکستان کے سابق کرکٹرنے ٹیم اور انتظامیہ کو شدید تنقید کا نشانہ بنایا تھا۔
اے آر وائی نیوز کے اسپورٹس پروگرام میں گفتگو کرتے ہوئے کامران اکمل نے کہا کہ پاکستان کی مینز کرکٹ ٹیم کا معیار اس قدر پست ہو چکا ہے کہ اب تو ہمیں کسی مینز ٹیم کے بجائے آسٹریلیا اور انگلینڈ کی ویمنز ٹیموں سے کھیلنا چاہیے۔
’قربانی کے جانور حاضر ہوں‘ حفیظ کا پیغام وائرل
کامران اکمل نے کہا کہ چیئرمین پی سی بی محسن نقوی کو اب پورے سسٹم کو ٹھیک کرنا چاہیے۔ اگر پانچ سال قبل ہی بڑا آپریشن کر لیا جاتا تو آج ٹیم کی یہ حالت نہ ہوتی۔
