The news is by your side.

Advertisement

’دعا ہے ایسا وقت کسی پر نہ آئے‘

لاہور: ٹیسٹ کرکٹر عمر اکمل نے خود پر گزرے سخت دنوں کے حوالے سے کہا کہ میں حال ہی جس وقت سے گزرا ہوں میری ہمیشہ یہ دعا رہے گی کہ وہ وقت کسی پر نہ آئے۔

تفصیلات کے مطابق لاہور میں مقامی کرکٹ اکیڈمی میں ٹریننگ کرنے والے عمر اکمل نے میڈیا سے گفتگو کرتے ہوئے کہا کہ مجھے میری فیملی نے ایسے وقت میں گرنے سے بچایا جب برا وقت گزر رہا تھا، اور میں فیملی کی وجہ سے کرکٹ کے میدان میں واپس آیا۔

ان کا کہنا تھا کہ پی ایس ایل فرنچائز کوئٹہ گلیڈی ایٹرز نے ان پر اعتماد کیا، جس سے ان کا حوصلہ بڑھا اور انھوں نے پی ایس ایل 7 میں اچھی کارکردگی دکھائی۔

ٹیم میں انتخاب سے متعلق عمر اکمل نے کہا میرا فوکس کرکٹ پر ہے، فٹنس مزید بہتر کروں گا تاکہ اچھے طریقے سے قومی ٹیم میں کم بیک کر سکوں، اس کے بعد قومی ٹیم کے لیے منتخب کرنا سلیکٹرز ، کوچز اور کپتان کا کام ہے۔

بابر اعظم کو کس کزن نے جوگرز دینے سے انکار کیا تھا؟ عمر اکمل کا بیان سامنے آ گیا

کرکٹر کا کہنا تھا کہ انھوں نے کراچی میں رمضان کرکٹ میں بھی حصہ لینا ہے، اس کے بعد لیگز کھیلنا چاہیں گے، انھوں نے کہا مجھے امید ہے لیگز میں ایکشن میں دکھائی دوں گا، مجھے جہاں بھی موقع ملا ہے میں نے سو فیصد دینے کی کوشش کی ہے۔

آسٹریلیا کے خلاف سیریز کے حوالے سے عمر نے کہا میں سمجھتا ہوں آسٹریلیا کے خلاف ہوم سیریز شان دار رہی، فینز نے بھی خوب انجوائے کیا، پاکستان میں انٹرنیشنل کرکٹ ہونا خوش آئند ہے۔

Comments

یہ بھی پڑھیں