اسلام آباد : پاکستان تحریک انصاف کے رہنما عمر ایوب کو بانی پی ٹی آئی سے ملاقات کی اجازت مل گئی ، ملاقات نہ ہونےپرعمر ایوب نے انسداد دہشتگردی عدالت سے رجوع کیا تھا۔
تفصیلات کے مطابق انسداد دہشت گردی عدالت نے عمر ایوب کو بانی پی ٹی آئی سے ملاقات کی اجازت دے دی، عمر ایوب انسداد دہشت گردی عدالت کے احکامات لیکردوبارہ اڈیالہ جیل پہنچ گئے۔
ملاقات نہ ہونےپرعمر ایوب نے انسداد دہشتگردی عدالت سے رجوع کیا تھا، عمر ایوب کا کہنا تھا کہ عدالتی احکامات سے متعلق جیل انتظامیہ کو آگاہ کر دیا گیا ہے۔
اس سے قبل اڈیالہ جیل میں بانی پی ٹی آئی سے پی ٹی آئی رہنماؤں کی ملاقاتوں کے معاملے پر اسد قیصر،قیوم نیازی،عمر ایوب،سمابیہ طاہر،نادیہ خٹک کوملاقات کی اجازت نہ مل سکی تھی۔
جس کے بعد جیل انتظامیہ کے خلاف توہین عدالت کی درخواست دائر کرنے کا فیصلہ کیا گیا تھا،پی ٹی آئی رہنما نے کہا تھا کہ عدالتی احکامات کے باوجود ہمیں ملاقات نہیں کرنےدی جارہی، اسلام آباد ہائیکورٹ نے آج ملاقات کرنے کی اجازت دے رکھی ہے۔
