سعودی عرب میں وزارت حج و عمرہ نے زائرین کو بڑی سہولت فراہم کرتے ہوئے اردو سمیت 16 زبانوں میں ڈیجیٹل گائیڈ جاری کردی ہے۔
سعودی خبر رساں ادارے کی رپورٹ کے مطابق رہنما ضوابط وزارت کی ویب سائیڈ صوتی صورت میں بھی موجود ہیں جنہیں ڈاون لوڈ کرنے کی سہولت بھی دی گئی ہے۔
مختلف ممالک سے آنے والے زائرین کی رہنمائی کے لیے وزارتِ حج وعمرہ نے اردو، انگلش، عربی، ترکی، فرانسی، فارسی، ازبکی، انڈونیشی اوردیگر زبانوں میں اہم معلومات فراہم کی ہیں۔
مختلف موضوعات کے بارے میں گائیڈ میں معلومات فراہم کی گئی ہیں جن میں سائبرسیکیورٹی کے حوالے سے آگاہی، قانونی و انتظامی امور، مالیاتی معاملات (بینکنگ) اور صحت کے امور کے بارے میں اہم معلومات موجود ہیں۔
رہنما گائیڈز میں امور حج وعمرہ کے بارے میں بھی مستند معلومات اور اہم مقامات کے حوالے سے بتایا گیا ہے جن میں جمرات (منی)، مزدلفہ، (یوم النحر) قربانی کے ایام، یوم عرفہ گائیڈ، احرام کی پابندیاں و رہنما اصولوں کے بارے میں آگاہی فراہم کی گئی ہے۔
اس سے قبل سعودی عرب میں وزارت حج وعمرہ کی جانب سے حج 2025 کے داخلی عازمین کے لیے اہم ہدایت جاری کی تھیں۔
وزارت حج و عمرہ کا کہنا تھا کہ فریضہ حج کی سعادت حاصل کرنے کے خواہشمند اندرونی عازمین گردن توڑ بخار کی ویکسین لازمی طور پر لگوانے کا اہتمام کرلیں۔
وزارت کا کہنا تھا کہ امسال داخلی عازمین کے لیے گردن توڑ بخار لازمی ہے۔
وضاحت کی گئی ہے کہ گردن توڑ بخار ویکسین کا اندراج کرانا ضروری ہے کیونکہ اس کے بغیر کوئی بھی حج پیکیج نہیں خریدا جاسکتا۔
وزارت حج کی پورٹل پر حج پیکیج خریدنے کے لیے آپ کو اپنے کوائف دینے ہوں گے جن کی بنا پر معلوم ہوجائے گا کہ ویکسین لگوائی ہے یا نہیں۔
سعودی وزارت حج و عمرہ کی زائرین کو خاص ہدایت
وزارت حج وعمرہ نے تمام عازمین کو ہدایت دی ہے کہ وہ ضروری ویکسین لگوالیں، وزارت کی ہدایات پر عمل کریں اور صحت عامہ کا خیال رکھیں۔
