لاہور : علامہ اقبال انٹرنیشنل ائیرپورٹ پر اے این ایف نے کارروائی کرکے عمرہ پر جانے والے مسافر کے احرام سے ایک کلو ہیروئن برآمد کرلی۔

تفصیلات کے مطابق فیصل آباد کے رہائشی مسافر آصف محمود پی آئی اے کی ریاض جانے والی پرواز 725 سے عمرہ پر جا رہا تھا کہ اے این ایف نے لاہور ائیرپورٹ پر کارروائی کرتے ہوئے مسافر کے احرام سے ایک کلو ہیروئن برآمد کرلی۔

مسافر کے خلاف مقدمہ درج کرکے حوالات منتقل کر دیا گیا۔

مسافر آصف محمود کا کہنا ہے کہ اسے فیصل آباد کے رہائشی شخص نے عمرہ پیکیج کے ساتھ ہیروئن دی۔

یاد رہے رواں ماہ 3 جون کو کراچی ایئرپورٹ پر ہیروئن کی اسمگلنگ کی کوشش کو ناکام بناتے ہوئے مسافر کے قبضے سے دو کلو سے زائد ہیروئن برآمد کرلی تھی۔

مزید پڑھیں: کراچی ایئرپورٹ ، جدہ جانے والے میاں بیوی کے قبضے سے دوکلو ہیروئن برآمد

اس سے قبل میں کراچی ایئر پورٹ پر ہی غیر ملکی ایئرلائن کی پرواز کے ذریعے جدہ جانے والے میاں بیوی کے قبضے سے ایک کلو نو سو چالیس گرام ہیروئن برآمد کرکے حراست میں لیا تھا۔

ملزمان نے مذکورہ ہیروئن بچی کے دودھ کے ڈبے میں چھپا رکھی تھی۔

خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔