نیویارک: سیکریٹری جنرل اقوام متحدہ انتونیوگوتریس نے اسرائیل پر ایرانی حملے کی مذمت کرتے کہا کہ فریقین کو کسی بھی کارروائی سے گریز اور تحمل کا مظاہرہ کریں۔
تفصیلات کے مطابق ایران نے اسرائیل پر 200 سے زائد ڈرون اور کروز میزائلز فائر کر دیے، ایرانی پاسدران انقلاب نے اسرائیل پر حملے کی باضابطہ تصدیق کردی ہے۔
ایران کا درجنوں ڈرونز اور کروز میزائلز سے اسرائیل پر حملہ
- Advertisement -
رپورٹ کے مطابق ایران نے اسرائیلی دفاعی تنصیبات کو نشانہ بنایا ہے، گولان کی پہاڑیوں اور شام کے قریب اسرائیلی فوجی ٹھکانوں کو بھی نشانہ بنایا۔
اقوام متحدہ کے سیکریٹری جرنل نے اس حملے کی مذمت کرتے ہوئے کہا کہ دنیا مزید جنگ کی متحمل نہیں ہوسکتی اس لیے کسی بھی ایسی کارروائی سے گریز کیا جائے جس سے مشرق وسطیٰ میں بڑے فوجی تصادم کا خدشہ ہو۔
