نیویارک: اقوامِ متحدہ نے دِنیپرو میں میزائل حملے کو ممکنہ جنگی جرم قرار دے دیا۔
تفصیلات کے مطابق روس اور یوکرین جنگ میں شدت برقرار ہے، یوکرینی شہر دِنیپرو پر روس کے میزائل حملے میں ہلاک ہونے والوں کی تعداد 40 ہو گئی، 34 افراد تاحال لاپتا ہیں۔
روسی صدارتی ترجمان کا کہنا ہے کہ روسی افواج صرف فوجی اہداف کو نشانہ بناتے ہیں، روس عمارت پر حملے کا ذمہ دار نہیں ہے، دوسری جانب اقوامِ متحدہ نے دِنیپرو میں میزائل حملے کو ممکنہ جنگی جرم قرار دے دیا۔
ترجمان سیکریٹری جنرل اقوامِ متحدہ کا کہنا ہے کہ جنگی جرائم کی مؤثر تحقیقات کی ضرورت ہے، جرمنی نے روسی رہنماؤں کے خلاف خصوصی ٹریبیونل کا مطالبہ کر دیا ہے۔
روسی افواج نے باخموت شہر کا گھیراؤ شروع کر دیا، مہلک میزائل حملہ
ادھر یوکرین کو ٹینکس کی فراہمی پر روس نے برطانیہ کو سخت نتائج کی دھمکی دے دی۔
روسی صدارتی ترجمان دیمتری پیسکوف نے کہا کہ برطانوی ٹینکس کو تہس نہس کر دیں گے، یوکرین کو جدید اسلحہ دینے سے جنگ کا رخ نہیں بدلے گا، برطانیہ کو روس کے خلاف استعمال کیا جا رہا ہے۔
