The news is by your side.

Advertisement

یواین قراردادوں کے مطابق فلسطین کے دو ریاستی حل کا عزم دہراتے ہیں: وزیرخارجہ

اسلام آباد: وزیرخارجہ شاہ محمود قریشی کا کہنا ہے کہ فلسطینیوں سے حق خودارادیت چھینا نہیں جاسکتا، اقوام متحدہ کی قراردادوں کے مطابق فلسطین کے دو ریاستی حل کا عزم دہراتے ہیں۔

تفصیلات کے مطابق سماجی رابطے کی ویب سائٹ ٹوئٹر پر وزیرجارجہ شاہ محمود قریشی نے ٹوئٹ کیا کہ عالمی قوانین کے تحت فلسطین کو آزاد ریاست بنانے کا پھر مطالبہ کرتے ہیں۔

انہوں نے یہ بھی مطالبہ کیا کہ فلسطینی ریاست کا دارالحکومت القدس کو بنایا جائے۔

اس سے قبل گزشتہ ماہ وزیر خارجہ نے دہشت گردی کے خلاف جنگ میں قربانیاں دینے والوں کو خراج عقیدت پیش کرتے ہوئے کشمیر اور فلسطین میں ریاستی دہشت گردی کے خاتمے کا مطالبہ کیا تھا۔

وزیر خارجہ نے کشمیر اور فلسطین میں ریاستی دہشت گردی کے خاتمے کا مطالبہ کردیا

انہوں نے سماجی رابطے کی ویب سائٹ ٹوئٹر پر دہشت گردی کا شکار ہونے والے افراد کے عالمی دن پر اپنے پیغام میں کہا تھا کہ پاک فوج، سیکیورٹی ادارے اور ان تمام شہریوں کو خراج عقیدت پیش کرتا ہوں، زندگیوں کا تحفظ دنیا کی مشترکہ ذمہ داری ہے، کشمیر اور فلسطین میں ریاستی دہشت گردی کے خاتمے کا مطالبہ کرتا ہوں۔

Comments

یہ بھی پڑھیں