نیویارک: اقوام متحدہ کا کہنا ہے کہ پاکستان کی معاشی شرح نمو آئندہ برسوں میں ساڑھے 5 فیصد تک ہوجائے گی۔
اقوام متحدہ کی جانب سے جاری کردہ سروے رپورٹ کے مطابق رواں مالی سال میں مہنگائی میں اضافے کا امکان ہے۔ افراط زر کی شرح ساڑھے 5 فیصد ہوسکتی ہے۔
سروے میں کہا گیا کہ پاک چین اقتصادی راہدای ملکی معیشت کے لیے بہتری کا باعث بنے گی جبکہ دیگر ممالک بھی پاکستان میں سرمایہ کاری کے لیے راغب ہوئے ہیں۔
سرمایہ کاری، صارفین کی قوت خرید میں اضافہ اور امن و امان کی بہتر صورتحال کو معاشی ترقی کی اہم وجہ قرار دیا گیا۔
- Advertisement -
رپورٹ میں کہا گیا کہ ملک میں سی پیک کے باعث درآمدات میں خاطر خواہ اضافہ ہوا۔ توانائی کے شعبے میں بہتری آئی ہے۔
اقوام متحدہ کا کہنا ہے کہ توانائی کے شعبہ میں اصلاحات کا جاری رہنا ضروری ہے۔
