نیویارک: اقوام متحدہ نے کہا ہے کہ فلسطینی قوم کو غیر مسبوق چیلنجز اور مشکلات کا سامنا ہے، جسے اب تک حل نہیں کیا جاسکا۔
تفصیلات کے مطابق اقوام متحدہ کا کہنا ہے کہ غزہ کی پٹی میں جاری کشیدگی پر قابو پانے کی کوشش کے باوجود غزہ کے عوام کے مسائل حل نہیں ہوسکے۔
غیر ملکی خبر رساں ادارے کے مطابق اقوام متحدہ کے مشرق وسطیٰ میں امن امور کے نگراں دفتر کی طرف سے جاری رپورٹ میں کہا گیا کہ غزہ کی پٹی میں اسرائیل اور فلسطینیوں کے درمیان کسی حد تک امن قائم ہوا ہے مگر یہ سب عارضی ہے۔
رپورٹ میں کہنا تھا کہ خطے میں امن عارضی تھا مگر اس کے باوجود فلسطینی کو درپیش مشکلات اور چیلنجز غیر مسبوق ہیں، اسرائیل اور فلسطینیوں کے درمیان امن مذاکرات تعطل کا شکار ہونے کے بعد غرب اردن میں بھی عام شہری بے چینی سے دوچار ہے۔
فلسطینی ریاست کے قیام کے لیے جاری مساعی تعطل کا شکار ہیں اور غزہ کی معیشت بھی مشکلات کا شکار ہے۔
خیال رہے کہ فلسطینی حکومت کو 2018ء سے اس وقت سے مالی بحران درپیش ہے جب اسرائیل نے فروری میں فلسطینیوں کی واجب الاداء ٹیکسوں کی رقم ادا کرنے سے انکارکر دیا تھا۔
ایک اور فلسطینی نوجوان اسرائیلی جارحیت کا نشانہ بن گیا
سترہ فروری 2018ء کو اسرائیل نے فلسطینیوں کی 1 ارب 38کروڑ ڈالر کی رقم یہ کہہ کر منجمد کر دی تھی کہ فلسطینی اتھارٹی یہ رقم فلسطینی اسیران اور شہدا کے اہل خانہ کی کفالت کرتی ہے۔
