یو این سیکریٹری جنرل نے بلوچستان میں جعفر ایکسپریس حملے کی شدید مذمت کر دی ہے۔
تفصیلات کے مطابق اقوام متحدہ کے سیکریٹری جنرل انتونیو گوتریس نے پاکستان کے صوبہ بلوچستان میں جعفر ایکسپریس پر حملے کی شدید مذمت کی ہے۔
گوتریس نے کہا ہم بلوچستان میں جعفر ایکسپریس ٹرین کی ہائی جیکنگ کی شدید مذمت کرتے ہیں، اور یرغمال بنائے گئے افراد کے بارے میں گہری تشویش کا اظہار کرتے ہوئے ان کی فوری رہائی کا مطالبہ کرتے ہیں۔
اقوام متحدہ کے ترجمان اسٹیفن دوجارک کا کہنا ہے کہ گوتریس نے واضح کیا ہے کہ شہریوں پر حملے ناقابل قبول ہیں، اور بین الاقوامی برادری کو ایسے واقعات کی روک تھام کے لیے اقدامات کرنے چاہئیں۔
جعفر ایکسپریس حملہ، یرغمالی مسافروں کیساتھ خودکش بمبار بیٹھے ہونے کا انکشاف
یاد رہے کہ پاکستان کے صوبے بلوچستان میں منگل کو مسلح افراد نے ایک مسافر ٹرین پر فائرنگ کی، اور پھر ٹرین کو مسافروں سمیت یرغمال بنا لیا، سیکیورٹی فورسز کی کارروائیوں میں 104 مسافروں کو بازیاب کرا لیا گیا ہے جب کہ 16 دہشت گرد ہلاک ہو گئے ہیں۔
