اقوام متحدہ کی جنرل اسمبلی کا 78 واں اجلاس جاری ہے ایسے میں سیکریٹری جنرل انتونیو گوترس نے کا یہ اعتراف سامنے آیا ہے کہ وہ بے اختیار ہیں۔

غیر ملکی میڈیا کے مطابق اقوام متحدہ کے سیکریٹری جنرل انتونیو گوتریس نے یو این جنرل اسمبلی کے سالانہ اجلاس کے موقع پر امریکی نیوز چینل سی این این کو انٹرویو دیا جس میں یہ اعتراف کیا کہ وہ بے اختیار ہیں ان کے پاس کوئی طاقت، ایگزیکٹو پاور اور پیسہ نہیں ہے۔

انتونیو گوتریس نے کہا کہ ہمارے پاس جو طاقت ہے وہ صرف ایک آواز ہے جو ہم بلند کر سکتے ہیں اور میں اسی آواز کو بلند کرنے کا پابند ہوں۔

سیکریٹری جنرل اقوام متحدہ نے کہا کہ جنرل اسمبلی بعض اوقات ملکوں سے بالاتر ہوکر اجلاس منعقد کرنے کرنے کی توانائی رکھتی ہے اور یہ ادارہ نجی شعبے، سول سوسائٹی، خواتین اور نوجوانوں کی تنظیموں، سائنسی ماہرین اور یونیورسٹیوں کے مختلف افراد کو اکٹھا کر سکتا ہے لیکن فورم کی اصل طاقت رکن ممالک میں ہے۔