اقوام متحدہ نے یمن میں حوثیوں کے زیر اثر علاقوں میں اپنی تمام سرگرمیوں کو معطل کردیا ہے۔
بین الاقوامی خبر رساں ادارے کی رپورٹ کے مطابق اقوام متحدہ کا کہنا ہے کہ یمن کے دارالحکومت صنعا سے اقوام متحدہ اسٹاف کو حراست میں لیے جانے کے باعث حوثی علاقوں میں اپنی تمام سرگرمیاں معطل کردی ہیں۔
بیان کے مطابق سکیورٹی خدشات اور اسٹاف کی حفاظت یقینی بنانے کے لیے حوثیوں کے زیر اثر علاقوں میں اپنی تمام سرگرمیاں معطل کر دی ہیں۔
واضح رہے کہ حوثیوں نے جمعرات کے روز دارالحکومت صنعا میں اپنے زیر کنٹرول علاقوں میں کام کرنے والے اقوام متحدہ کے عملے کو گرفتار کرلیا تھا۔
حوثیوں کی جانب سے حالیہ کارروائی میں کتنے افراد کو گرفتار کیا گیا، اس حوالے سے اقوام متحدہ کی وضاحت سامنے نہیں آئی، مگر کہا گیا ہے کہ وہ اس گروپ کے اعلیٰ نمائندوں کے ساتھ رابطے میں ہیں۔
ڈنمارک میں قرآن پاک کی بے حرمتی پر 2 افراد پر فردِ جرم عائد
یاد رہے کہ امریکا نے جعمرات کو یمنی حوثی گروپ کو ایک بار پھر دہشت گرد تنظیموں کی فہرست میں شامل کرلیا تھا۔
