جینیوا: اقوام متحدہ نے بنیادی ضرورت پانی کے حوالے سے خبر دار کرتے ہوئے کہا کہ دنیا پانی کے بحران کی جانب بڑھ رہی ہے۔
پانی کے عالمی دن کے موقع پر اقوام متحدہ واٹر فورم اور یونیسکو کی جانب سے رپورٹ جاری کی گئی ہے، رپورٹ کے مطابق تقریباً 2 ارب لوگ پینے کے صاف پانی سے محروم ہیں۔
اقوام متحدہ نے اپنی رپورٹ میں پانی کے بحران کی وجوہات پانی کا ضرورت سے زیادہ استعمال اور موسمیاتی تبد یلیوں کو قرار دیا ہے، دنیا بھر میں اربوں لوگوں کو اب بھی پانی تک رسائی نہیں ہے۔
رپورٹ میں کہا گیا ہے کہ ایک اندازے کے مطابق ہر سال 8 لاکھ سے زیادہ لوگ ایسی بیماریوں سے ہلاک ہو جاتے ہیں جو غیرمحفوظ پانی، نامناسب نکاسیء آب اور صحت و صفائی کے ناقص طریقوں سے براہ راست جنم لیتی ہیں۔
