کولمبو : انڈر19 ایشیا کپ کے میچ میں پاکستان روایتی حریف بھارت سے ہار گیا، بھارت کے306 رنز کے جواب میں پاکستان ٹیم مقررہ اوورز میں245رنز بنا کر پویلین لوٹ گئی۔
تفصیلات کے مطابق انڈر نائنٹین ایشیا کپ کے میچ میں بھارت نے پاکستان کو 60رنز سے شکست دے دی، بھارت کی ٹیم نے ٹاس جیت کر بیٹنگ کا فیصلہ کیا۔
بھارتی ٹیم نے ارجن آزاد اور تلک ورما کی سنچریوں کی بدولت مقررہ 50 اوورز میں 9 وکٹوں کے نقصان پر 305 رنز بنائے۔
Captain Rohail Nazir scores fighting hundred as India beat Pakistan in #U19AsiaCup 2019 match#INDvPAK MATCH REPORT: https://t.co/kmKpB7p9yn pic.twitter.com/6am5ZJ5sze
— Pakistan Cricket (@TheRealPCB) September 7, 2019
بھارت کی جانب سے ارجن آزاد نے 121 اور تلک ورما نے 110 رنز بنائے۔ پاکستان کی جانب سے نسیم شاہ اور محمد عباس آفریدی نے تین تین کھلاڑی کو آؤٹ کیا۔
بھارتی ٹیم کے 306 رنز کے ہدف کے تعاقب میں گرین شرٹس کا آغاز مایوس کن رہا اور وقفے وقفے سے وکٹیں گرتی رہیں، کپتان روحیل نذیر اور حارث خان نے مزاحمت کی تاہم وہ ٹیم کو روایتی حریف کے خلاف فتح نہ دلاسکے۔
پاکستانی ٹیم 47 ویں اوور میں 245 رنز بناکر آوٹ ہوگئی۔پاکستان ٹیم کے کپتان روحیل نذیر 117 اور حارث خان 43 رنز بناکر نمایاں رہے، بھارت کی جانب سے ونود ان کولیکار نے 3، مشرا اور پٹیل نے دو، دو کھلاڑیوں کو آوٹ کیا۔
