دبئی: انڈر 19 ایشیا کپ میں قومی ٹیم نے بھارت کو سنسنی خیز مقابلے کے بعد دو وکٹوں سے شکست دے دی۔
تفصیلات کے مطابق انڈر 19 ایشیا کپ کے پانچویں میچ میں پاکستان نے بھارت کی جانب سے دیا جانے والا 238 رہز کا ہدف 8 وکٹوں کے نقصان پر حاصل کرلیا۔
محمد شہزاد نے 82 رنز کی شاندار اننگز کھیلی، عرفان خان 33 رنز کے ساتھ نمایاں رہے، احمد خان، 29 رنز کے ساتھ ناٹ آؤٹ رہے، رضوان محمود نے بھی 29 رنز کی اننگز کھیلی۔
بھارت کی جانب سے راج باوا نے چار وکٹیں حاصل کیں، روی کمار اور نشانت سندھو ایک، ایک وکٹ حاصل کرسکے۔
Congratulations Pakistan! pic.twitter.com/GEzWUa9GeN
— Pakistan Cricket (@TheRealPCB) December 25, 2021
اس سے قبل بھارت نے پہلے بیٹنگ کرتے ہوئے قومی ٹیم کو جیت کے لیے 238 رنز کا ہدف دیا تھا۔
پاکستان کی جانب سے فاسٹ بولر ذیشان ضمیر نے تین اور اویس علی نے 2 کھلاڑیوں کو آؤٹ کیا تھا جبکہ کپتان قاسم اکرم اور ماض صداقت کے حصے میں ایک ایک وکٹ آئی تھی۔
ACC U19 Asia Cup 2021
India U19 vs Pakistan U19India set Pakistan a target of 238 runs.
🇮🇳 237 all out (49 ov)#INDvPAK | #U19AsiaCup | #PakistanFutureStars
📸: ACC pic.twitter.com/0uDmB6bDFO— Pakistan Cricket Live (@TheRealPCB_Live) December 25, 2021
خیال رہے کہ انڈر 19 ایشاء کپ کرکٹ میں پاکستان نے افغانستان کو 4 وکٹوں سے شکست دی تھی، افغان ٹیم صرف 52 رنز پر آل آؤٹ ہوگئی تھی، جبکہ پاکستان جونیئرز نے ہدف 6 وکٹ پر حاصل کر لیا تھا۔
یاد رہے کہ انڈر 19 ایشیا کپ میں قومی ٹیم کی یہ مسلسل دوسری فتح ہے۔
