دبئی: انڈر 19 ایشیا کپ کے سیمی فائنل میں یو اے ای نے پاکستان کو سنسنی خیز مقابلے کے بعد 11 رنز سے شکست دے دی۔
دبئی میں کھیلے گئے میچ میں یو اے ای کی جانب سے دیے گئے 194 رنز کے تعاقب میں پاکستان انڈر 19 کی ٹیم 49.3 اوورز میں 182 رنز پر آؤٹ ہوگئی، فائنل میں بنگلہ دیش اور یو اے ای کی ٹیمیں مدمقابل آئیں گی۔
کپتان سعد بیگ کی نصف سنچری بھی پاکستان کو شکست سے نہ بچاسکی، اذان اویس 41 رنز کے ساتھ نمایاں رہے، شمائل حسین بغیر کوئی رن بنائے پویلین لوٹ گئے، عامر حسان نے 27 رنز بنائے۔
یو اے ای کی جانب سے ایمان احمد اور ہاردک پائی نے دو، دو کھلاڑیوں کو پویلین کی راہ دکھائی۔
Ubaid Shah stars with 4️⃣ wickets with every bowler chipping in to round up a solid performance
194 is the target for Pakistan U19 #PAKvUAE | #PakistanFutureStars pic.twitter.com/MpxBGYUASO
— Pakistan Cricket (@TheRealPCB) December 15, 2023
اس سے قبل یو اے ای کی ٹیم 47.5 اوورز میں 193 رنز پر آؤٹ ہوئی تھی، کپتان ایان افضال نے 55 رنز کی شاندار اننگز کھیلی، اریانش شرما 46 رنز کے ساتھ نمایاں رہے۔
ایتھان ڈی سوزا کو 37 رنز پر علی اسفند نے پویلین کی راہ دکھائی، ماروف مرچنٹ بغیر کوئی رن بنائے عرفات منہاس کا نشانہ بنے۔
پاکستان کی جانب سے عبید شاہ نے چار کھلاڑیوں کو پویلین کی راہ دکھائی، علی احمد اور عرفات منہاس نے دو، دو وکٹیں حاصل کیں۔
