The news is by your side.

Advertisement

گھر میں نظر بند رہ کر سزا کاٹنے والا مجرم بیوی سے تنگ آ گیا

روم: اٹلی کے ایک شہری کو جب عدالت نے جرم ثابت ہونے پر سزا کے طور پر گھر میں نظر بند کیا، تو یہ سزا اسے جیل سے بھی زیادہ سخت لگی، اور اس نے جیل جانے کی درخواست کر دی۔

تفصیلات کے مطابق اٹلی میں بیوی سے تنگ شخص پولیس اسٹیشن پہنچ گیا اور جیل جانے کی درخواست کر دی، منشیات کیس کے مجرم کو گھر میں نظر بندی کی سزا سنائی گئی تھی تاہم مذکورہ شخص بیوی سے تنگ آ کر تھانے پہنچ گیا۔

سزا یافتہ مجرم نے پولیس کو درخواست دی کہ اسے گھر کی بجائے جیل میں رکھا جائے، کیوں کہ گھر میں بیوی کے ساتھ زندگی گزارنا مشکل ہو گیا ہے۔

سزا یافتہ شخص کا کہنا تھا کہ وہ اب اپنی بیوی کے ساتھ ’جبری ہم آہنگی‘ قائم نہیں رکھ سکتا اوراسی لیے گھر سے بھاگنے کو ترجیح دی۔

پولیس کا کہنا ہے کہ گھر سے بھاگ کر تھانے آنے والا شخص گزشتہ کئی ماہ سے منشیات کے کیس میں سزا پانے کے بعد گھر میں نظر بند تھا اور اپنی بیوی اور خاندان کے ساتھ رہ رہا تھا۔

پولیس کے مطابق مذکورہ شخص کی رہائی میں کچھ سال باقی تھے لیکن اس نے بتایا کہ میری گھریلو زندگی جہنم بن چکی ہے اور میں اب گھر میں نظر بند نہیں رہ سکتا۔

پولیس نے مذکورہ شخص کو نظر بندی کی خلاف ورزی کے کیس میں گرفتار کر کے عدالت میں پیش کیا جہاں عدالت نے اسے جیل منتقل کرنے کا حکم دے دیا۔

Comments

یہ بھی پڑھیں