کراچی: اسٹار آل راؤنڈر شاہد خان آفریدی نے کہا ہے کہ سی پیک کی وجہ سے ملک سے بیروزگاری کا خاتمہ ہوگا، 2016ء پچھلے پچیس سالوں کے مقابلے میں بہتر تھا۔
Shahid Afridi’s message for fans and the entire… by arynews
یہ بات اسٹار آل راؤنڈر شاہد آفریدی نے سماجی رابطے کی ویب سائیٹ ٹوئٹر پر اپنے ایک پیغام میں کہی، انہوں نے کہا یہ وقت قربانیوں کا نہیں بلکہ ترقی و کامرانیوں کا ہے جس کے لیے جنرل راحیل شریف بمعہ کور ٹیم اور نواز شریف کو مبارکباد دیتا ہوں کہ ان کی وجہ سے امن و امان کی صورتحال ملک میں بہتر ہوئی۔
شاہد آفریدی نے نئے آرمی چیف جنرل قمر باجوہ کے لیے نیک تمناؤں کا اظہار کرتے ہوئے امید ظاہر کی کہ جنرل قمر باجوہ بھی ترقی اور کامرانی کے اس سفر کو جاری رکھیں گے تاکہ یہ ملک ترقی اور کامیابی کی طرف ہم سب کو جاتا ہوا نظر آئے۔
@SAfridiOfficial new year message for the nation. He wants Pakistani nation to unite for peace, love and prosperity. pic.twitter.com/BnIpokWfK5
— TEAM AFRIDI (@TEAM_AFRIDI) January 3, 2017
36سالہ آل راؤنڈر کا کہنا تھا کہ ہمیں اپنے دوستوں اور دشمنوں کو پہچاننا چاہئے عوام کافی سمجھدار ہے ان کو دیکھنا چاہئے کہ ہمارے دوست کون ہیں اور دشمن کون ہیں۔
انہوں نے کہا کہ ملک کی ترقی اور کامیابی اس وقت ہے جب ہم متوسط طبقے کو اوپر کی طرف لے کر آئیں تو ہمارے ملک میں ایسے بہت سارے لوگ ہیں جنہیں اللہ تعالیٰ نے بہت کچھ دیا ہے وہ لوگ عوام کی خدمت کرتے ہیں لیکن اس بار ان کو اور زیادہ خدمت کرنے کی ضرورت ہے۔
شاہد آفریدی نے مزید کہا کہ سی پیک کا پودا جو اس ملک میں لگا ہے اس کی گھنی چھاؤں میں ملک ترقی کی راہ پر گامزن ہوجائے گا، بیروزگاری ختم ہوگی جس سے جرائم کا خاتمہ ہوگا کیوں کہ بیروگاری کی وجہ سے جرائم میں اضافہ ہوتا ہے۔
آفریدی نے مداحوں کو مخاطب کرتے ہوئے کہا کہ میری اور آپ سب کی ذمہ داری ہے کہ ملک کی ترقی میں اپنا اپنا کردار بہ خوبی ادا کریں۔
