انگلینڈ کے سابق کپتان مائیکل وان نے ٹی ٹوئنٹی ورلڈ کپ 2024 میں سیمی فائنل کے شیڈول پر عدم اطمینان کا اظہار کیا ہے۔
وان نے ٹرینیڈاڈ میں افغانستان اور جنوبی افریقا کے درمیان پہلا سیمی فائنل کرانے کے فیصلے پر تنقید کی ہے۔
انہوں ایکس پر پوسٹ میں کہا کہ افغانستان نے پیر کی رات سینٹ ونسنٹ میں ڈبلیو سی [ورلڈ کپ] سیمی جیتنے کے لیے کوالیفائی کیا اور منگل کو ٹرینیڈاڈ جانے والی پرواز میں 4 گھنٹے کی تاخیر ہوئی، اس لیے وہ پریکٹس نہ کر سکے اور اس مقام سے ہم آہنگ نہ ہو سکے۔
وان نے یہ بھی دعویٰ کیا کہ ٹورنامنٹ کا شیڈول ہندوستان کے حق میں ہے۔ ان کا کہنا تھا کہ یقینی طور پر یہ [افغانستان بمقابلہ جنوبی افریقہ] سیمی فائنل گیانا میں ہونا چاہیے تھا لیکن چونکہ پورا ایونٹ ہندوستان کی طرف ہے یہ دوسروں کے ساتھ بہت غیر منصفانہ ہے۔
دوسرا سیمی فائنل جمعرات کو گیانا میں شیڈول ہے جس میں بھارت اور انگلینڈ مدمقابل ہوں گے تاہم بارش کے 60 فیصد امکانات کی پیش گوئی کی ہے، جس سے میچ میں خلل پڑ سکتا ہے۔
جب کہ پہلے سیمی فائنل کے لیے ایک ریزرو دن مختص کیا گیا تھا، دوسرے سیمی فائنل کے لیے ایسی کوئی فراہمی موجود نہیں ہے۔ ممکنہ تاخیر کو کم کرنے کے لیے، آئی سی سی نے سیمی فائنل مکمل ہونے کے لیے اضافی 250 منٹ کی اجازت دی ہے جس سے گراؤنڈ اسٹاف کو موسم کی صورتحال بہتر ہونے پر پچ کی تیاری کے لیے کافی وقت دیا گیا ہے۔
