بھارت کو بڑا دھچکا لگ گیا، ان فٹ محمد شامی جنوبی افریقا کی ٹیسٹ سیریز سے باہر ہو گئے۔
کرکٹ بورڈ نے کہا ہے کہ زخمی تیز گیند باز محمد شامی کو اس ماہ سے شروع ہونے والی جنوبی افریقا کے خلاف دو ٹیسٹ میچوں کی سیریز کے لیے ہندوستانی ٹیم سے باہر رکھا گیا ہے۔
وہ اپنی فٹنس بحال کرنے میں ناکام رہے ہیں۔
33 سالہ شامی کو اس سے قبل بورڈ آف کنٹرول فار کرکٹ ان انڈیا (بی سی سی آئی) کی جانب سے اوے سیریز کے لیے اعلان کردہ اسکواڈ میں شامل کیا تھا لیکن ان کی شمولیت فٹنس کلیئرنس سے مشروط تھی۔
بی سی سی آئی نے ایک پریس ریلیز میں کہا شامی، جس کی ٹیسٹ سیریز میں شرکت فٹنس سے مشروط تھی، کو بی سی سی آئی کی میڈیکل ٹیم نے کلیئر نہیں کیا ہے اور فاسٹ بولر کو دو ٹیسٹ میچوں سے باہر کر دیا گیا ہے۔
محمد شامی نے ہندوستان کی حالیہ ورلڈ کپ مہم کے دوران کلیدی کردار ادا کیا وہ سات میچوں میں 24 وکٹیں لے کر ٹورنامنٹ کے سب سے زیادہ وکٹیں لینے والے کھلاڑی قرار پائے تھے۔
