یونیسف نےغزہ میں 5سالہ بچے کی دل دہلا دینے والی تصویر جاری کردی، غذا کی کمی کا شکار بچے کا وزن صرف 5 کلو رہ گیا ہے۔
بچوں کے حقوق کے لیے کام کرنے والی اقوام متحدہ کی تنظیم یونائیٹڈ نیشنز چلڈرنز فنڈ (یونیسف) نے غزہ کے 5 سالہ مظلوم بچے کی تصویر جاری کی جس نے سب کو جھنجھوڑ کر رکھ دیا ہے، فلسطینی بچہ اسامہ شدید غذائی قلت کا شکار ہے جس کا وزن صرف5 کلو بچا ہے۔
اسامہ نصر اسپتال میں زیرعلاج ہے، صحتیابی کیلئے خوراک اور علاج ضروری ہے، اقوام متحدہ نے انکشاف کیا کہ غزہ میں 2700 سے زائد بچے شدید غذائی قلت کا شکار ہیں۔
ترجمان یونیسیف نے بتایا کہ غزہ کی پوری آبادی کو بھوک اور قحط کا سامنا ہے، خوراک کی قلت اسرائیلی ناکہ بندی کے باعث شدیدتر ہوگئی ہے۔
کچھ دنوں قبل فٹبال کلب مانچسٹرسٹی کے باس پیپ گارڈی اولا بھی غزہ کی صورتحال اور وہاں بچوں کو درپیش خطرات پر رنجیدہ ہو گئے تھے۔
پیپ گارڈی اولا نے ڈاکٹریٹ کی اعزازی ڈگری ملنے پر جذباتی تقریر میں کہا تھا کہ غزہ کی صورتحال دردناک ہے اسے دیکھ کر درد محسوس کرتا ہوں یہ کسی نظریے یعنی تم غلط میں درست کی بات نہیں بلکہ زندگی سے محبت کی بات ہے۔
انگلش پریمیئر لیگ کلب کے ہسپانوی مینیجر نے پیر کو مانچسٹر یونیورسٹی میں اعزازی ڈگری حاصل کرنے کے بعد سامعین سے خطاب کرتے ہوئے "ناانصافی کے سامنے” خاموش رہنے کا انتخاب کرنے کے بجائے دنیا سے بات کرنے پر زور دیا۔
مینیجر کا کہنا تھا کہ غزہ پر اسرائیل کی جنگ کے دوران مارے جانے والے بچوں کی تصاویر "تکلیف دہ” ہیں اور انہیں "سخت پریشان” کر دیا ہے۔
اسرائیل کا غزہ میں امداد پہنچانے والی کشتی پر ڈرونز حملہ، میڈلین کو قبضے میں لے لیا
